Kurrë banal, Diego Armano Maradona. Ish-“Pibe de Oro” është bërë zyrtarisht presidenti i ri i Dinamo Brest, klubi bjellorus që i ka besuar pozicionin më prestigjioz dhe i ka dhënë fuqi të plota menaxhimi, veçanërisht në aspektin sportiv.
Në pritje për të mësuar nëse argjentinasi do të marrë edhe rolin e trajnerit, Maradona ka gjetur banesën ku do të qëndrojë në Bjellorusi (ka nënshkruar një kontratë 3-vjeçare).
Dhe numri një nuk mund të gjente një zgjidhje që nuk do të ishte e denjë për një numër një. Siç ka bërë të ditur argjentinasja “Clarin”, në fakt, Maradona ka blerë një shtëpi me vlerë 20 milionë dollarë, bashkë me ortakun Rocio Oliva. Banesa gjendet në zonën rezidenciale të Minskut, kryeqyteti dhe qyteti më i populluar i Bjellorusisë.
Ka shtatë dhoma, pishina me ujë të ngrohtë, hapësira të gjelbra dhe një aeroport privat pak metra larg, me një avion gati ta transportojë në Brest herë pa here presidentin e ri.
Maradona, ndër të tjera, përveç avionit privat, do të ketë në dispozicion një BMW, një Rolls Royce Phantom Coupé dhe një mjet ushtarak Hunta Overcomer, në gjendje të kalojë çdo sipërfaqe.
