Ish-deputeti Myslim Murrizi ka ironizuar vendimin e fundit të kryeministrit Edi Rama i cili emëroi zv.ministre të Brendshme, Silva Cakën e cila braktisi Partisë e Lirisë për të punuar në kabinetin e ri qeveritar.
Gjatë një postimi në rrjetet sociale, Murrizi nuk kurseu kritikat për Sekretarin e Përgjithshëm të PD, Flamur Nokën për të cilin thotë se ia kishte bërë të qartë që mos bënte koalicion me Partinë e Lirisë.
Sipas Murrizit, në partinë e Metës kanë ngelur shumë pak njerëz pasi të gjithë po e braktisin sapo i jepet një post nga ana e kryeministrit Rama.
Gjithashtu Murrizi thekson se Flamur Nokës nuk i interesojnë demokratët, ndërsa mes enigmave thotë se bashkëshortja e një deputeti opozitar të LSI-së u mbyt në lot kur u largua Ulsi Manja si ministër i Drejtësisë.
“Iku dhe Zj Silva nga “opozita” dhe but but u ul ne prehrin e Qeverisë.
Se i bëtë gjyqin Endri Brahimllarit pse iku i pari!
Çështje kohe ikin dhe të tjerë që kanë ngelur akoma këtu në Tiranë se në asnjë cep të Shqipërisë nuk ka me nga kjo “opozitë” pas zgjedhjeve te 11 majit.
Prandaj kam thënë në shkurt 2025 në këshillin kombëtar Mul Nokës që koalicioni me LSI nuk sjell kokërr vote tek PD.
Këta janë më të sinqertë në fakt se ikin drejtpërdrejt vetë.
Ndërsa deputet e LSI apo ish deputet e anëtarë të kryesisë kanë të gjithë familjaret nëpër ministri në poste të ndryshme.
Madje bashkëshortja e një deputeti “opozitar” të LSI u mbyt në lot kur iku Ulsiu si ministër drejtësisë.
Hajde Mul “strategu” gjej ndonjë koalicion te këtij lloji edhe për zgjedhjet e pjesshme lokale sidomos për bashkinë Tiranës e rruaj ndonjë gjë po vari trapin se humb PD dhe vuajnë DEMOKRATET
Në fund të fundit ju mirë i keni punët e juaja me “ beteja” madhështore në Parlament”, shkruan Murrizi.
