Nga aksidenti i rëndë ka ndodhur në qytetin e Pejës në Kosovë, ku dyshohet se i vdekur ka mbetur Eldion Kelmendi, vëllai i reperit të njohur, Gjesti.
Sipas mediave kosovare, ngjarja tragjike ndodhi rreth orës 14:00, kur motori me të cilin udhëtonin ai së bashku me një shok u përplas me një makinë.
Elidoni ka ndërruar jetë në vendngjarje, ndërsa shoku i tij ndodhet në spital, në gjendje kritike për jetën. Zëdhënësi për rajonin e Pejës, Fadil Gashi, dha më tepër detaje për aksidentin.
Në vendin e ngjarjes kanë dalë njësitë policore dhe hetuesit e aksidenteve, të cilët po punojnë për zbardhjen e plotë të rrethanave.
“Rreth orës 14:00, në fshatin Qungur të komunës së Pejës ka ndodhur një aksident mes një veture dhe një katërçiklete. Policia ka dalë menjëherë në vendngjarje, ndërsa ekipi mjekësor ka konfirmuar vdekjen e një personi në vendin e ngjarjes dhe lëndimin e rëndë të një tjetër, i cili është dërguar me urgjencë në QKUK,” tha Gashi.
Ndërkohë, figura të njohura të showbizit kane shprehur ngushëllime për ndarjen nga jeta të vëllait të reperit.
