Të paktën shtatë persona kanë humbur jetën dhe 11 të tjerë u plagosën pasi një aeroplan mallrash doli nga pista dhe shpërtheu në flakë në Kentucky.
Avioni, i cili operohej nga kompania amerikane e shpërndarjes UPS, goditi disa ndërtesa kur u rrëzua gjatë ngritjes në Aeroportin Ndërkombëtar të Louisville rreth orës 17:15 sipas orës lokale të martën.
Banorët aty pranë u urdhëruan të qëndronin brenda për shkak të frikës nga shpërthime të mëtejshme dhe ndotjes së ajrit.
Me destinacion Honolulu, Hawaii ai mbante 38,000 gallonë (144,000 litra) karburant. Shpërthimi përfshiu të paktën dy biznese aty pranë, përfshirë një kompani riciklimi nafte.
Avioni ishte një MD-11F, një avion reaktiv me tre motorë që filloi shërbimin 34 vjet më parë me Thai Airways si avion pasagjerësh, por iu transferua UPS në vitin 2006.
MD-11F u prodhua fillimisht nga McDonnell Douglas, e cila u bashkua me Boeing në vitin 1997. MD-11 janë pak më shumë se 61 metra të gjatë dhe kanë krahë prej 52 metrash, më të vogla se Boeing 747, të cilët janë afërsisht 76 metra të gjatë.
