Megjithëse ende nuk dihen shkaqet e zjarrit, mediat greke raportojnë për 5 persona të arrestuar. Zyrtarët e policisë kanë identifikuar 4 të rinj, si të dyshuarit kryesor për zjarrin në Neo Vuja, ndërsa një tjetër me kombësi të huaj ishte dorëzuar vetë në polici.
Greqia është në zi kombëtare pas përballjes me një nga tragjeditë më të tmerrshme e cila deri tani ka shkaktuar 77 të vdekur dhe mbi 180 të plagosur.
Nuk ka ende një konfirmim zyrtar se sa persona rezultojnë të humbur, ndërsa shumë njerëz përmes televizioneve apo në rrjete sociale kërkojnë të afërmit e tyre. Çka tregon se numri i viktimave pritet të rritet.
Më shumë se 280 zjarrfikës janë ende në zonë në verilindje të Athinës, dhe vijojnë të shuajën flakët.
Mediat greke shkruajnë se ndërsa mobilizimi i njerëzve “të zakonshëm”, vullnetarë, peshkatarë, të gjithë ata që kontribuan dhe kontribuojnë me çfarëdo mjeti ishte gjigand, shteti përsëri provoi se është i papërgatitur për t’u përballur me një incident kaq të madh.
Po ashtu mediat lokale flasin për 71 të rritur që po trajtohen në spitale, nga të cilët 10 janë në gjendje kritike, 11 janë mirë dhe pritet të dalin nga spitali. Në total, të plagosurit janë 187.
Ndërkohë dhjetëra persona figurojnë të zhdukur. Sa i përket zonave të prekura, do të duhen ditë për të vlerësuar dëmet e shkaktuara nga kastrofa. Sipas një bilanci paraprak nga autoritetet lokale zjarri ka djegur totalisht 2500 shtëpi, ndërsa janë dëmtuar rëndë mbi 4000 shtëpi
