sh-deputeti Genc Pollo thotë se Shqipëria ndodhet në një krizë të thellë politike dhe institucionale, nga e cila nuk mund të dalë pa një ndryshim të vërtetë politik.
Genc Pollo theksoi se vendi ynë po përjeton një “autoritarizëm kleptokratik”, ndërsa shtoi se as drejtësia, as media dhe as ndërkombëtarët nuk mund ta shpëtojnë situatën pa një rotacion real të pushtetit.
“Shqipëria ndodhet në një spirale të rrezikshme. Nuk e shpëton dot as SPAK-u, as media, as ndërkombëtarët, nëse nuk ka ndryshim politik dhe ndërgjegjësim shoqëror.
12 vitet e fundit janë një trajektore e trishtuar si e Partisë Demokratike në opozitë, po ashtu edhe e Shqipërisë drejt një autokracie kleptokratike dhe pavarësisht se Partia Demokratike në opozitë mund të mos ketë patur, forcën që kishte PS-ja në opozitë para se të vinte pushtet, apo PD-ja në 2004-n. Megjithatë mbetet shpresa e vetme e madhe që në këtë vend mund të ketë një ndryshim pozitiv.
Me gjithë 101 kritikat shumë të pabazuara, disa me meritë që i bëjnë asaj pa një ndryshim politik në këtë vend, nuk mund të ketë një përmirësim, ose nuk mund të ketë një shpëtim nga regjimi autoritar kleptorokratik ku fatkeqësisht ndodhemi. Nuk do ta shpëtojë as SPAK-u, gjyqësori i cili mund ndihmojë, nuk do ta shpëtojë vetëm media e lirë, e cila ka një rol të madh po e vetme nuk ka ç’bën.
Nuk mund ta shpëtojnë ndërkombëtarët apo pjesa e mirë e tyre të cilët kanë një rol të madh që mund ta luajnë nëse duan. Në qoftë se nuk ka një evoluim, një ndërgjegjësim shoqëror, rindërgjegjësim shoqëror dhe një ndryshim politik, nuk mund të ketë shpëtim”-deklaroi Pollo në emsionin “ÇdoKënd” nga Merita Haklaj, në A2CNN.
