Cyane Panine, 24-vjeçarja e njohur si “gruaja me kaskë”, humbi jetën në tragjedinë e klubit të natës Le Constellation në Crans-Montana, Zvicër, ku një zjarr i shkaktuar nga fishekzjarrët brenda lokalit mori jetën e 40 personave. Funerali i saj u zhvillua më 10 janar në qytetin francez të Sète, prej nga ishte edhe origjina e saj.
Cyane, e cila punonte si bariste sezonale në resortin e njohur të skive zvicerane, konsiderohej “anëtare e familjes” nga pronarët e barit, pjesëtarët e familjes Moretti. Në videot amatore që qarkulluan në media pas tragjedisë, ajo shihet duke buzëqeshur me një kaskë motoçiklete mbi supet e një kolegu, ndërsa mbante në duar shishe shampanje të zbukuruara me fishekzjarre të ndezura, një koreografi për të përshëndetur Vitin e Ri.
Ishte pikërisht ky moment festiv që u shndërrua në katastrofë. Shkëndijat nga fishekzjarrët prekën materialin e vendosur në tavan për izolimin e zhurmës, duke shkaktuar një zjarr të shpejtë dhe të vdekurishëm.
Imazhi i Cyane Panine me kaskën mbetet aktualisht në dokumentet e hetimit si simbol i tragjedisë dhe si provë e dukshme e neglizhencës që çoi në humbjen masive të jetëve: një kujtesë e trishtë e një feste që përfundoi në tmerr. /The Sun
