Kryeministri Edi Rama ka reaguar sërish ashpër ndaj gazetarit Blendi Fevziu, duke e akuzuar këtë të fundit për shpifje dhe mungesë përgjegjësie publike, pas debatit të hapur mes tyre lidhur me pretendimet për udhëtime private të ministrave.
Në reagimin e tij, Rama thotë se Fevziu e ka pohuar indirekt se ka ngritur një akuzë pa fakte, duke u mbështetur në “muhabete kafeneje” dhe duke përmendur raste sporadike, për të cilat – sipas kryeministrit – nuk ekziston asnjë provë që lidhen me udhëtime private fundjave të anëtarëve të qeverisë.
“Fevziu reagoi prapë duke e pohuar përsëri faktin që ka fabrikuar një akuzë, më shqip një shpifje, për të cilën as ka çfarë thotë e vjen vërdallë me muhabete kafeneje, duke përmendur si në jerm dy a tre raste sporadike, për të cilat përsëri s’ka asnjë provë se janë të lidhura me udhëtime private të ministrave në fundjavë, e duke i ikur përsëri me një turravrap konfuz të vetmes gjë që duhet të bënte në këtë rast: Ndjesës ndaj shikuesve të tij.
