Nga Adriatik Doçi
Ka disa ditë që Sali Berisha mban me gajret të vetët se janë në prag të fitores së madhe. Zgjedhjet janë në 2029. Me protesta është rrotë më rrotë me Tik Lapajn. (Nga dasma normale kanë përfunduar në ditëlindje).
Ndërkaq, në vend të iluzioneve me zbarkimin e Delta Force për të arrestuar Edi Ramën, erdhi një ftesë nga Trump për t’u ulur në Bordin e Paqes
E vetmja pritshmëri, dilemë dhe ag fitoreje e këtij janari lidhet me SPAK, që po heton 21 Janarin si grup të strukturuar kriminal, vrasje në rrethana cilësuese dhe pengim të drejtësisë.
Incizimi i komunikimeve para dhe gjatë vrasjeve është 36 minuta. Është bërë ekspertiza dhe është konfirmuar përkatësia e zërave.
Krahas regjistrimit të urdhërave për vrasje, FBI ka rikuperuar edhe pamjet e fshira natën e 21 Janarit nga serveri i Kryeministrisë.
Një nga qitësit që rrezikon burg të përjetshëm për vrasje në rrethana cilësuese thuhet se ka folur.
Nëse me protestën/synetllik të 24 janarit do të trembë SPAK-un duke shtyrë në kohë apo anuluar urdhër-arrestet për 21 janarin, kjo po që quhet fitore!
