Pak orë pas një shou në rrjetet sociale ku Drejtoria e Burgjeve tregonte dje me pompozitet transferimin e disa të burgosurve (shiko ketu) skandalet këtij institucioni sa vijnë e shtohen.
Në burgun e Shkodrës ka ndërruar jetë 20-vjeçari Nicolae Ionnut Erion Deliver, i lindur në Rumani dhe banues në Shkodër.
Përmes një njoftimi, Drejtoria e Përgjithshme e Burgjeve pretendon se Nicolae Ionnut Erion Deliver ishte transportuar me urgjencë drejt spitalit më të arfërt.
Transporti dyshohet se është bërë me vonesë vetëm pasi ishte vënë re gjendja e tij e rënduar shëndetësore, ku fatkeqësisht nuk ka arritur të mbijetojë.
Drejtoria e Burgjeve thotë se ky shtetas ishte arrestuar në tetor të vitit 2024 për ‘vjedhje’ dhe ‘prodhim dhe shitje narkotikësh’.
Ndërkohë po punohet për zbardhjen e plotë të rrethanave që çuan në vdekjen e këtij shtetasi, nëse ka pasur shenja dhune apo jo.
Kjo ngjarje vjen në një moment kritik për sistemin e burgjeve, i cili prej muajsh është përfshirë nga skandale, denoncime për keqtrajtim, mungesë të shërbimit shëndetësor adekuat, mbipopullim dhe dyshime për abuzime institucionale. Raste të fundit kanë ngritur alarmin për neglizhencë, mungesë mbikëqyrjeje dhe dështim të mekanizmave të përgjegjësisë.
Përballë kësaj situate, Ministria e Drejtësisë dhe Drejtoria e Burgjeve janë nën presion për të dhënë përgjigje të qarta, jo vetëm për këtë rast, por për një model problematik që duket se po përsëritet.
Ndërkohë, pak muaj më parë, një tjetër ngjarje e rëndë u regjistrua po në burgun e Shkodrës, ku i paraburgosuri Brendon Ronald Saporito, 57 vjeç, u gjet i varur në dhomën e tij nga bashkëvuajtësit, ku vdekja e tij ende mbetet misterioze.
Po kështu arratisja në Durrës, droga në Elbasan dhe prostitucion me eskorta për vipat.
Pa harruar këtu dhe shkeljet flagrante qe i janë berë edhe zyrtarëve tě lart politik të vendit tonë, që po i trajtojnë me keq se kriminelët që iu ikin nga duart.
