endin në Parlament të ish deputetes Majlinda Halilajn, e cila u bë e famshme për fjalimin e saj për “kërpëratat” (korporatat), me plot gafa dhe gabime, duket se e ka zënë dhe po e mban denjësisht një tjetër deputete e Partisë Demokratike, e cila nuk po heq dorë nga ligjvënëset aksidentale, analfabete dhe injorante. Bëhet fjalë për deputeten e PD-së së Qarkut të Elbasanit, Klodiana Çapja, produkt i lidhjeve të Flamur Nokës dhe Familjes Berisha me grupin kriminal Çapja të Elbasanit.
Deputeja Çapja mbajti dje në fjalim epik në foltoren e Kuvendit.
Së pari, deputetja nuk përmendin (për arsye që ajo i di mirë) operacionin e Prokurorisë së Durrësit për goditjen e Kurum, kompanisë me natyrë mafioze që ka helmuar zonën e saj elektorale, përmes gjenerimit, trafikimit dhe zhdukjes së mbetjeve të rrezikshme. A mund të ketë shqetësim më serioz për Elbasanin se sa mbetjet dhe ndotja?
Së dyti, deputetja e PD, edhe pse me letër para, mbajti një fjalim plot gafa, duke shfaqur vështirësi të theksuar në lexim. Siç duket edhe në video, zonja Çapja nuk lexon dot një fjali në mënyrë të plotë dhe korrekte. Ashtu si deputetja e ‘kërpëratave’ (korporatave), edhe deputja Çapja deformon në shqiptim një në tre fjalë.
Nëse deputetja nuk di të lexojë rrjedhshën gjuhën shqipe, në respekt të zgjedhësve dhe Parlamentit, duhet të kishte bërë disa prova, duke e lexuar disa herë fjalimin që i kanë shkruar. Gjithashtu, depuetja mund të blejë në abetare, të bëjë një kurs të përshpejtuar leximi ose herë tjetër të marrë një përkthyes me vete!
