Që prej ditës së mërkurë, Korça është përfshirë nga një seri tërmetesh, me epiqendër në Hoçisht të Devollit këtu ku unë ndodhem aktualisht.
Lëkundjet janë ndjerë mjaft të forta nga banorët e zonës, duke shkaktuar shqetësim dhe panik.
Sipas banorëve, tërmetet kanë vijuar jo vetëm gjatë natës, por edhe gjatë pasdites së kësaj të enjteje.
Lëkundja e parë është regjistruar rreth orës 20 të mbrëmjes së mërkurë me magnitudë 3.7 të shkallës Rihter, ndërsa më pas janë shënuar edhe tërmete të tjera më të lehta ku i fundit ka qënë pasditen e së enjtes me magnitudë deri në 3.2 duke bërë që banorët të mos ndjejnë siguri për jetën e tyre.
Grupet e punës të cilët u angazhuan në terren paa tërmetit nuk raportuan për dëme materiale apo qoftë edhe për persona të lënduar, ndërsa autoritetet po monitorojnë situatën në vazhdim.
