Thomas Strakosha po i çmend të gjithë! Padyshim që ky mund të quhet si sezoni më i mirë i karrierës së shqiptarit. Luhatje të madhe ka pasur në karrierën e tij, por në të kaluarën ka pasur edhe momente të tjera të mira si në kohën kur ishte pjesë e Lacios.
Megjithatë në gjithë kohën e shkuar Strakosha kishte një pikë të dobët, penalltitë.
Nga 11-metrat, Strakosha ishte gjithmonë “jashtë loje” duke shfaqur mungesë të madhe të nuhatjes me topin që shkonte në njërin krahë dhe Strakoshën në tjetrin.
Shumë më ndryshe nga Etrit Berisha që pritjen e penalltive e kishte një pikë të fortë. Aktualisht Strakosha ka pritur 3 penallti në elitën e Greqisë vetëm në këtë sezon dhe kjo është arritja e tij më e madhe, ndërsa nëse numërojmë dhe pritjen e penalltisë me Shqipërisë me rastin e humbur nga Ikanuieks, shkon në 4 penallti të pritura.
Në të shkuarën Strakosha kishte arritur të priste vetëm një penallti në një sezon, ndërsa tani numëron katër penallti të pritura në një sezon.
Në total Strakosha ka pritur 8 penallti dhe në 63 raste të tjera është mposhtur nga 11-metrat. Dhe ky është një sinjal fantastik, gardiani i Shqipërisë po bëhet i pakalueshëm edhe nga penalltia.
