Dy të veshur si mafiozë të viteve ’50, njëkohësisht edhe kushërinj, dhëndrri i Sali Berishës dhe Xhim Begeja, dalin para mediave dhe nëpër rrjete sociale duke bërtitur se Toka ku ndodhet me qira Report TV ishte tokë e tyre dhe se ata e kishin falur që Bashkia ta bënte shkollë dhe duke kërcënuar çdo opozitar që guxon të dalë e të flasë në Report TV! Po përse dhëndrri përsërit gënjeshtrat për Report TV?
Dihet që toka e redaksisë është shtetërore, shteti e ka dhënë me qira siç ka dhënë qindra godina për biznese që mund të plotësojnë kushtet për ta marrë me qira. Po pse atëherë, edhe pse nuk kanë asnjë dokument, edhe pse janë në gjykim para SPAK për ish-Klubin Partizani, pasi kanë ndërtuar mbi një tokë përballë Report TV dhjetëra pallate si kotecë, duke rrëzuar kompleksin sportiv publik më të madh në kryeqytet, dhëndrri dhe kushëriri i tij Xhim Begeja këmbëngulin në këtë gënjeshtër?
Duke vepruar publikisht shumë ndryshe nga Argita dhe Shkëlzeni, Jamarbër Berisha ka treguar në këto vite se është djali tjetër që Sali Berisha ka ëndërruar të ketë. Ai që më me pasion merr gjysmë të vërteta dhe njësoj si doktori i shet për të vërteta me sajimet përsipër. Është e vërtetë që familjarët e dhëndërrit kanë një rrip tokë ngjitur me Report TV, por atë e kanë marrë që c’ke me të, pa i falur asnjë grimcë as bashkisë dhe askujt tjetër. Dmth ata kanë marrë atë rrip 300 metra katrorë, por fantazojnë se kanë falur 4.000 metra katrorë të tjera të ngjtur me të. Po kush mund ta besojë?
Bashkë me kushëririn mashtrojnë e shantazhojnë deri duke deklaruar se Spak është ngritur në tokën e tij, se Begejat na qenkëshin pronarë të mëdhenj tokash në Tiranë.. Dihej që pronarë të mëdhenj toke në Shqipëri ishin Vërlacët, Vrionët, Toptanët etj… por Begejat dolën të tillë në epokën e prekjes së kadastrave nga marifetçinjtë e “sulltanit Sali”.
Por frika e dhëndrrit të Berishës ndaj Report TV nuk është vetëm për korrupsionin që televizioni raporton për të dhe familjen e Berishës. Një video shumë e sikletshme po qarkullon në rrjetet sociale ku motra e dhëndërrit, njëkohësisht pedagoge në një Universitet në Tiranë, shfaqet në një gjëndje të rënduar psikologjike ku kërcënon edhe policët brenda një qendre Tregtare në Tiranë me fjalor dhe veprime aspak të denja për një pedagoge. Familja e dhëndrrit mesa duket është në ankth për videon.
Se kush është dhëndrri nën hetim për korrupsion dhe pastrim parash nga SPAK dhe kushëriri i tij Xhim, i njeh mirë gjithë Tirana e mbarë Shqipëria. Pamjet e tyre flasin më shumë se çdo opinion. E trishtuar do të ishte që pas vëllait dhe kushëririt problematik, shqiptarët të shihnin se kush është edhe e motra e dhëndrrit.
