Presidentja e Komisioni Europian, Ursula von der Leyen, deklaroi se rendi i vjetër botëror nuk ekziston më dhe nuk pritet të rikthehet, duke theksuar se Europa duhet të përshtatet me realitetin e ri global.
Në një deklaratë lidhur me situatën ndërkombëtare dhe konfliktin me Iranin, ajo tha se nuk do të hyjë në debatin nëse lufta është e zgjedhur apo e domosdoshme, por theksoi se nuk duhet të ketë simpati për regjimin iranian, të cilin e cilësoi si një regjim vrastar.
“Europa nuk mund të jetë më kujdestare e rendit të vjetër botëror, sepse ai i përket së shkuarës dhe nuk do të kthehet më. Ne do të vazhdojmë të mbrojmë sistemin e bazuar në rregulla që ndërtuam me aleatët tanë, por nuk mund të mbështetemi vetëm tek ai për të mbrojtur interesat tona”, u shpreh ajo.
Von der Leyen shtoi se Bashkimi Europian duhet të jetë i gatshëm të projektojë fuqinë e tij në mënyrë më të vendosur në arenën ndërkombëtare, duke theksuar se Europa do të vazhdojë të qëndrojë në krah të Ukrainës pavarësisht zhvillimeve në rajone të tjera të botës.
Duke folur për zgjerimin e Bashkimi Europian, ajo nënvizoi se është thelbësore që vendet e Ballkani Perëndimor të afrohen me unionin që tani, së bashku me Moldavinë dhe Ukrainën.
Sipas saj, zgjerimi nuk është një çështje ideologjie, por lidhet drejtpërdrejt me interesat dhe sigurinë e përbashkët të Europës, ndaj BE duhet të jetë e përgatitur për të vepruar sapo të vijë momenti i duhur.
