Reagimi i ambasadorëve të BE-së dje për mos lejimin e burgosjes së një nëne me dy fëmijë pa asnjë vendim gjykate që e shpall fajtore, por thjeshtë me një kërkesë të analfabetëve funksional të SPAK ishte pak për të mos thënë shumë i çuditshëm.
Kjo batërdi politiko diplomatike është një betejë qesharake, sepse askund nuk preket drejtësia, nuk u mbyll hetimi, nuk u kthye në detyrë, por u diskutua masa e sigurimit. Sot nuk u vendos fajësia apo pafajësia e Ballukut dhe masat e kërkesat ndryshojnë.
E gjithë kjo furtunë ka ndodhur sepse qeveria ka zgjedhur mes Europës dhe Donald Trump…SHBA-në. BE nuk e ka mirëpritur dashurinë për Bordin e Paqes dhe përqafimet e Shqipërisë me SHBA-në, për një vendimmarrje për të cilën BE e bojkotoi.
Kjo ishte një hakmarrje e pastër me pretekst Belinda Ballukun. BE s’mund të tolerojë që të futet një Shqipëri që mund ta përdorin të tjerët jashtë BE!
Por hije dyshimi hedh edhe takimi Ramës me ambasadoren amerikane në Athinë Kimberly Guilfoyle, që duket si një goditje e rëndë për turmën e dallkaukëve të ambasadave, të cilët morën yrysh…
Kimberly Guilfoyle është ish bashkëjetuesja e djalit të Trump dhe një nga njerzit më të afërt të të suitës politike të Presidentit Amerikan.
Tani kuptohen reagimet e ashpra e të pavend të Gjermanisë, Britanise BE-sç , Hollandës, Suedisë! Shqiperia është bër “sandwhich” pa dashje mes SHBA dhe BE. Turp për Gjermaninë që i është futur detit në këmbë kundër Amerikës nëpërmjet Shqipërisë.
Spaku nuk ka asnjë rëndësi për cfarë ndodhi sot, ai vetëm u përdor me paturpësi nga Gjermania në krye të BE-së, që është gati të pranojë të ndihmohet edhe nga molotovet e Saliut nongrata për të kundërshtuar Amerikën. Një lojë e madhe duket se po luhet mes USA dhe BE, ku e humbur nuk ka si të mos jet BE-ja. /Ekskluzive.al
