Gjatë një deklarate për media pas daljes nga GJKKO për dosjen Meta-Kryemadhi, avokati Kujtim Cakrani bëri një lapsus të shpejtë duke u shprehur: “zoti Meta dhe zoti Kryemadhi”. Menjëherë ndërhyri Monika Kryemadhi, duke e korrigjuar me humor: “Jam zonja, o shoku, mos u provoko!”.
Cakrani u përpoq të sqaronte situatën, duke thënë: “Duhet të kuptoni, zoti Meta dhe Kryemadhi nuk ishin familjarë…”, ndërsa Kryemadhi e mbajti tonin e qetë dhe ironik: “Mos u shqetëso kaq shumë, mos u prokovo”. Momenti nxiti reagime të lehta dhe një atmosferë të qetë përpara mediave, duke reflektuar edhe ndjeshmërinë e diskutimit për rolet politike të të dyshuarve.
Avokati përfundoi deklaratën duke theksuar se, megjithë rolet politike të Metës dhe Kryemadhit, trajtimi i çështjes duhet të bëhet vetëm nga gjykata: “Kanë pasur role politike, ta trajtosh si shtëpiake, vetëm kjo gjykatë mund ta bëjë”. Ky moment ka tërhequr vëmendjen e mediave për lapsusin dhe reagimin e menjëhershëm të Monikës, duke u bërë temë diskutimi mes gazetarëve.
