Deputeti i PD, Belind Këlliçi, duket se nuk e ka përmbajtur veten gjatë një interviste për A2 CNN, kur ka komentuar protestat e opozitës dhe reagimet e ndërkombëtarëve. Ai përdori fjalë të rënda kur tha se duhet t’i ishtë vënë flaka kryeministrisë, çka lë të kuptohet se në protestat e ardhshme mund të pritet përshkallëzim.
Belind Këlliçi: “Këtu duhet t’i ishte vënë zjarri kryeministrisë me çfarë ka ndodhur deri tani me paratë e qytetarëve dhe me kriminalizimin e ekonomisë. Zjarri me kohë, sepse do të ishte e vetmja zgjidhje për qytetarët dhe për klasën politike, majtas e djathtas, në mënyrë që politikanët të tremben para sovranit, para qytetarëve. Nuk mund të tallesh me qytetarët. E mbani mend me çfarë premtimesh ka ardhur Edi Rama në qeveri në 2013? Legalizime falas, ujë 24 orë, shëndetësi. Mjaftojnë këto të treja për të kuptuar se pas 13 vitesh në pushtet, dhe duke i përsëritur sërish këto premtime, qytetarët shqiptarë duhet ta kishin ndëshkuar tashmë këtë qeverisje”.
Mirëpo këtë nuk kupton “neoterrorist” i Berishës se të gjitha këto premtime pothuajse janë mbajtur, madje Shqipëria i ka kaluar shumë nga këto që nga PBB , të ardhurat për frymë nga 3.000 euro në 11.000 euro, borxhi publik nga 82% në 53%, paga mesatare nga 320 euro në 900 euro, turizmi nga disa mijëra në qeveritë e Saliut në 12 milion sot, legalizimet të mbyllura, me pagesë vetëm koston e tokës së zaptuar jo shtetërore.
Spitalet nga pazarë qoftesh dhe rrobash të përdorura me standarte europiane por ata që kanë sy dhe i shikojnë dhe mend t’i krahasojnë, por edhe ujë dhe energjia janë shumë larg që na la babi i tij Sali Berisha, ndaj qytatarët shqiptarë kanë ndëshkuar këta derdimen që mendojnë se politika është lehje pas gardhit.
Ndaj nuk dinë asgjë as se ku janë dhe as çfarë bëjnë, por protestojnë dhe protesta e 17 Prillit do jetë një xhiro si të gjitha protestat e mëparshme, ku piromanët e Berishës do hedhin molotov ndaj Kryeministrisë dhe institucioneve të tjera publike./Ekskluzive.al
