Një zjarr i përmasave të mëdha ka përfshirë kompleksin e pallateve ‘Arlis’ në Tiranë, duke vënë në rrezik jetën e qyetetarëve dhe banesat e dhjetëra familjeve.ZËRI ka mundur të konfirmojë se zjarri ka nisur në ambientet e “Big Market”, në katin e parë të pallatit.
Burime bëjnë me dije se dyshohet se shkaku i mundshëm i zjarrit ka qenë ndezja e disa kartonave pranë marketit. Prej aty, zjarri më pas është përhapur me shpejtësi drejt kateve të sipërme, duke përfshirë fasadën dhe apartamentet.
Ngjarja ka shkaktuar panik te banorët, të cilët kanë investuar për vite me radhë për të siguruar një shtëpi, ndërsa tani përballen me dëme të mëdha materiale dhe rrezikun e humbjes së banesave të tyre.
Megjithatë, deri më tani nuk ka një reagim zyrtar mbi shkaqet e zjarrit, ndërsa autoritetet pritet të hedhin dritë mbi përgjegjësitë dhe rrethanat e kësaj ngjarjeje./ZËRI
