Rama nisi një vizitë pune në Romë, në kuadër të angazhimeve ndërkombëtare dhe forcimit të bashkëpunimit me partnerët evropianë. Pas takimit me Melonin, Rama do të zhvillojë edhe një takim me Ministrin e Mbrojtjes së Italisë, Guido Crosetto. Në njw postim nw rrjetet sociale, Rama ka shkruar se asnjw qeveri Italiane nuk ka pasur njw nivel tw tillw bashkwpunimi me Shqipwrinw, sa qeveria e Melonit. Ndërkohë për takimin Rama-Meloni ka reaguar edhe qeveria italianw pwrmes njw postimi nw faqen e saj zyrtare, ku thekson se ‘takimi ofroi një mundësi për të shqyrtuar forcimin e partneritetit midis dy kombeve në fushat me interes të përbashkët, me një fokus të veçantë në ndërlidhje, industrinë e mbrojtjes dhe bashkëpunimin për migracionin.’
Rama njihet për raportin e veçantë me homologen e tij italiane Georgia Meloni. Dy liderët vazhdojnë që të bashkëpunojnë në fusha të ndryshme, në interes të të dyja vendeve. Në nëntor të vitit të kaluar u mbajt një takim mes qeverisë së Shqipërisë dhe Italisë. Si Meloni, ashtu edhe Rama e konsideruan bashkëpunimin mes palëve si historik. Në atë kohë, Tirana dhe Roma zyrtare nënshkruan plot 16 marrëveshje të përbashkëta bashkëpunimi në disa fusha si mbrojtja, shëndetësia, siguria e infrastruktura.
Ndërkohë pas Italisë, Rama do të udhëtojë drejt Spanjës, ku me ftesë të kryeministrit Pedro Sanchez, do të marrë pjesë në punimet e mbledhjes së katërt të Samitit “Në Mbrojtje të Demokracisë”, që zhvillohet në Barcelonë.
Njoftimi i Pallatit Chigi
“Presidentja e Këshillit të Ministrave, Giorgia Meloni, priti sot në ‘Palazzo Chigi’ Kryeministrin e Republikës së Shqipërisë, Edi Rama. Pesë muaj pas Samitit Ndërqeveritar të Romës, takimi shërbeu për të bërë një bilanc të forcimit të partneritetit mes dy vendeve në sektorët me interes të përbashkët, me fokus të veçantë te ndërlidhja, industria e mbrojtjes dhe bashkëpunimi në fushën e migracionit”
