Likja e kishte ngatërruar me tatimin e gruroreve, Tit Vasili e kishte ngatërruar me tatimin e ilaçeve
Janë dy “eskpertë” të sporvuar të një fushe dhe të një partie, Artur Zheji dhe Luan Rama, njëri anëtar dhe analist i “81 partive”, që kandidoi për deputet i LSI dhe mori vetëm 3 vota në 210 mijë votues në Durrës-Krujë, ndërsa tjetri, deputet i dy partive, i cili me rrotacion shan atë nga e cila ikën dhe puth atë tek e cila shkon, qofshin të njëjtat.
Turi i kishte varur turinjtë, qysh kur i tha Tit Vasili, se Likja anuloi ligjin për tatimin e lojërave të bixhozit dhe mënjëherë, i telefonoi Luan Ramës, për takim urgjent, por ai i tha, se ishte i angazhuar me një kundër-përgjigje decizive ndaj Robert Ndrenikës, që padrejtësisht e kishte cilësuar “dezinformator”, kur në fakt Loni është informator, qysh nga viti i 3-të i shkollës së mesme, madje është djalë informatori, të dekoruar nga Haxhi Lleshi.
Pas 1 ore, u takuan para kazinos tek Libri Universitar poshtë shtëpisë së Luanit dhe, si “ekspertë” të fushës së bizhozit, vendosën të sqarojnë shef Liken, lidhur me anulimin e gabuar, që i kishte bërë ligjit për lojërat e fatit, por meqë Likja kishte shkuar në zonën e veriut, për të parë ca male për gurore, ata u lidhën me “Skype”.
Artur Zheji: Komandant, si po ia kalon, a kape gjë andej, se kur isha me PD, më kanë thënë se ajo zonë, ka shumë faqe mali me mermer ekstra?!
Ilir Meta: Mirë o flori, po ti si je? Unë mirë jam, po kërkojmë, sikur kemi pikasur ca faqe mali që ia vlejnë. Atë kunjin që i fute Edit e lexova, ia kishe ngecur mirë, do bëjmë sikur na lutet që të tërbohet. Nesër thuaj, që Edi Rama ka shkaur në Alpe për të takuar Ilir Metën, t’i kërkojë falje që i bllokoi guroret dhe HEC-et në Skrapar dhe se gjoja më ka propozuar gjysmën e qeverisë në shtator, me këtë rast mbajmë me ujë të ngrohet dhe këta këlyshët e partisë, tanë se po na ikin!
Luan Rama: Komandant, je rinuar, të shkojmë në video e foto, me guroret dëgjova që po ecën mirë, se ato në Skrapar i mbylli ai zagari Blendi Klosi.
Luan Meta: Nga inati i tij e anulova ligjin e bixhozit, që të lërë qimet e kokës nëpër kazino, kurse ju të dy, jeni mjeshtra, vetëm fitoni…
Artur Zheji: Komandant, për anulimin e ligjit të telefonuam edhe ne, na prishe pazaret me bosët e kazionve, se ti e di që unë e Loni, atje e kemi kokën ditë e natë, ky lekët që Loni ka nxjerr punësiket e biznesmenët, atje i hedh, po edhe unë, lekët që me jep ti me Bajramin e Besës, atje i hedhim.
Ilir Meta: Pse, si është puna?
Luan Rama: Ne ishim me ata miqtë e kazinove dhe ata na thanë, se u ke prishur punë që e ke anuluar ligjin, sepse nuk është ashtu siç ta ka shpjeguar Tit Vasili, mbasi ai e ngatërron me tatimin e ilaçeve.
Ilir Meta: E po, unë e dija se ishte njësoj si tatimi gruroreve, HEC-ve e skrapit dhe mendova, se dëmtoheshin miqtë tanë pronarë të kazinove, po nejse 40 ditë janë, kur ta sjellin prapë në shtator do ta dekretoj, thuaj Ilir Beqajt, që t’ia thotë Edit./Pamfleti
