Gëzimi i gjyqtarit Dritan Hallunaj për kalimin me sukses të vettingut nuk zgjati shumë. Një ditë pasi ai u rikonfirmua në detyrë, bashkëshortja e tij i dha fund jetës duke u vetëvrarë. Enkeleda Hallunaj, 37 vjeç, u hodh nga kati i pestë i një pallati në zonën e ish-bllokut në kryeqytet.
Gruaja me profesion stomatologe dhe që punonte pranë Autoritetit Shëndetësor Rajonal të Tiranës, ka qenë e vetme në shtëpi kur ndodhi ngjarja e rëndë. Fqinjët thanë për mediat se dëgjuan një zhurmë të fortë dhe menjëherë dolën jashtë për të parë çfarë kishte ndodhur, teksa trupi i 37-vjeçares kishte prekur tokën.
‘Kemi dëgjuar një zhurmë, ishte aq e fortë sa nuk e menduam se ishte një trup njeriu. Ka qenë vetëm në shtëpi, sepse nuk kemi parë njerëz të tjerë të dalin. Kanë qenë disa kalimtarë duke kaluar, janë tromaksur. Ne lajmëruam policinë menjëherë’, tha një prej fqinjëve.
Në vendngjarje mbërriti policia, autoambulanca dhe kolegë të gjyqtarit Hallunaj, i cili ndodhej në Shkodër kur ka ndodhur ngjarja. Mbase për të ndarë me familjarë dhe të afërm gëzimin për kalimin me sukses të provës së vettingut. Enkeleda Hallunaj ishte nëna e një vajze 7 vjeçe.
Rrethanat e ngjarjes janë ende të paqarta. Dyshohet se ajo ka kryer aktin e rëndë të vetëflijimit në kushtet e një depresioni të thellë.
SHQUPI-i i friksuar nga reforma në drejtë kishte përgatitur përsëritjen e asaj që tha dje në një tjetër dalje për mediat, ku do të denonconte sërish gjyqtarin e Krimeve të Rënda, Dritan Hallunaj. Një ditë më parë PD akuzoi Hallunajn si gjyqtarin që liroi nga burgu Arben Frokun.
Ndërkohë pas ngjarjes së rëndë me bashkëshorten e gjyqtarit Hallunaj, PDe krimit që vazhdon të fyej vetingun deri kur te filloi fshesa e madhe per “kriminelët cilesor” të kësaj bande e anuloi konferencën e sotme për mediat. Grupi hetimor vijon punën për dokumentimin dhe zbardhjen e plotë të vdekjes së Enkeleda Hallunajt.
