Gjermania ka propozuar miratimin e një sistemi integrimi gradual të pranimit të shteteve kandidate në Bashkimin Evropian.
“Unë propozoj që procesi i pranimit të anëtarëve të rinj të strukturohet në të ardhmen si një proces hap pas hapi. Një qasje më graduale në procesin e integrimit është e mundshme, duke përparuar nëpër faza paraprake drejt anëtarësimit të plotë. Një mekanizëm i tillë do të bënte të mundur gjithashtu uljen e rezervave që mund të kenë disa nga shtetet aktuale anëtare në lidhje me anëtarësimin e plotë në BE në të ardhmen e afërt të shteteve të reja”, tha ministri i Jashtëm i Gjermanisë, Johann Wadephul.
Ministri i jashtem Vadeful tha se duhet që të përshpejtohet procesi i zgjerimit me shtetet ballkanike që sipas tij ka mbetur prej vitesh në vendnumëro.
“E kuptoj zhgënjimin e madh që kanë shkaktuar procedurat e gjata të pranimit të shteteve të reja. Zgjerimi është pjesë e besueshmërisë sonë ndaj popujve të Ballkanit Perëndimor, të cilëve iu ofrua perspektiva e anëtarësimit në BE dekada më parë. Ne ju detyrohemi atyre rezultate në këtë drejtim. Për ta arritur këtë, ne më në fund duhet që të bëjmë përparim konkret me shtetet që janë të gatshme të vijojne të realizojnë reformat e integrimit”, shtoi Ëadephul.
Kryediplomati gjerman ishte në një linjë me komisioneren Kos për kushtezimin e fondeve me respektimin e shtetit ligjor.
“Traktatet e reja të pranimit duhet që të përmbajnë një “mekanizëm kushtëzimi” me klauzola që ndërlidhin dhënien e fondeve të BE-së me respektimin e vlerave të përbashkëta sidomos në sundimin e ligjit. Këto financime nuk duhet që të shkojnë tek ata që shkelin këto vlera”, tha Ministri i Jashtëm i Gjermanisë, Johann Wadephul.
Krahas këtyre propozimeve Wadephul këmbënguli në heqjen e votimit me unanimitet në vendimarrjen për politikën e jashtme duke kaluar në atë me shumicë të kualifikuar per te menjanuar veton qe eshte perdorur nga shtete individuale anetare te BE-se per te bllokuar porcesin e zgjerimit.
Ai vuri në dukje se duhet nje Komisioni Evropian me me pak anetare se ai aktual me 35 anëtarë. Edhe madhësia e Parlamentit Evropian sipas kryediplomatit gjerman duhet që të përshtatet sipas tij me kërkesat e një Bashkimi Evropian të zgjeruar.
