Një vendim i Gjykatës së Lartë, i marrë nga gjyqtari Ilir Panda, ka thelluar dyshimet mbi drejtësinë “e re” sidomos sa i përket trajtimit preferencial ndaj disa zyrtarëve.
Bëhet fjalë për dosjen e “AKSHIt” ku pas 6 muajsh në arrest shtëpie, Mirlinda Karçanaj ka fituar lirinë me firmën e Ilir Pandës. E gjitha kjo përmes lehtësimit të masës në “detyrim paraqitje”.
Vendimi vjen në një kohë kur dosja “AKSHI” po pasurohet me dëshmi të reja dhe më e rëndësishmja mes tyre ajo e një biznesmeneje shqiptaro-gjermane.
Bëhet fjalë për Migena Schroeder e cila ka deklaruar para prokurorëve se Karçanaj i kishte kërkuar të bindej ndaj Ermal Beqirit.
Lehtësimi i masës së sigurisë me vendim të Ilir Pandës ngre pikëpyetje mbi standardet e drejtësisë, sidomos për dosjen më korruptive që njihet sot për sot.
Ndërkohë, emri i Ilir Pandës është përmendur edhe më herët në debate publike për shkak të dyshimeve për lidhje të mundshme me figura influente në Durrës, ndër to edhe Ergys Agasi.
Dhe nëse kjo akuzë e artikuluar në media është fakt, atëherë kjo lidhje shpjegon gjithçka sa i përket vendimit të sotëm…
