Ish-kryeministri i Tajlandës, Thaksin Shinawatra, është liruar. Miliarderi 76-vjeçar, i cili e krijoi pasurinë e tij në sektorin e telekomunikacionit, po vuante që prej shtatorit një dënim me një vit burg për korrupsion. Ai do të duhet të mbajë një byzylyk elektronik gjatë periudhës katërmujore të provës.
Në momentin e daljes nga burgu, Thaksin përqafoi disa nga të afërmit e tij që e prisnin jashtë, si edhe qindra mbështetës të veshur me të kuqe, ngjyra tradicionale e mbështetësve të ish-kryeministrit. Vajza e tij, ish-kryeministrja Paetongtarn Shinawatra, deklaroi pas vizitës së fundit te i ati në burg se nuk kishin folur për politikë, “por vetëm për familjen”.
Familja Shinawatra, me partinë e saj Pheu Thai Party dhe format e saj të mëparshme, ka dominuar politikën tajlandeze për rreth njëzet vjet. E mbështetur nga popullsia rurale, ajo ka qenë prej kohësh kundërshtare e elitës ushtarake dhe pushtetit mbretëror, të cilët e konsideronin populizmin e saj një kërcënim për rendin tradicional shoqëror./ La Repubblica
