Avokati i Sali Berishës, Genc Gjokutaj, ka dhënë një shpjegim se përse klienti i tij, i pandehur për korrupsion, kandidoi i vetëm në zgjedhjet për kryetar të PD-së.
Lexoni më poshtë mesazhin “thellësisht filozofik” të avokatit Genc Gjokutaj:
“Të nderuar miq!
Çelësi i suksesit është gara dhe rivaliteti!
Por, përpara se të garoni me kundërshtarin, kini rival vetveten!
P.sh., unë sot garoj me Gencin e djeshëm dhe jam i sigurt që nesër do të garoj me Gencin e sotëm!
Nëse do ta pranojmë dhe zbatojmë këtë standard, pa asnjë dyshim kundërshtari apo rivali do të vetëlargohen!
Sepse suksesi yt është dështimi i kundërshtarit!
Dhe shembujt nuk mungojnë!”
