Njoftimi i fundit i forcave zjarrfikëse, të cilat janë angazhuar me shpëtimin e të mbijetuarve si dhe me nxjerrjen e personave të përfshirë në incidentin e Genovas, flet për 35 të vdekur si dhe 13 të plagosur. Mes viktimave është edhe një fëmijë.
Sipas tyre poshtë ka shumë makina të shkatërruara si dhe një pjesë e tyre kanë rrjedhje gazi. “Këtu është ferri”, shprehen zjarrfikësit për median italiane. Në vendin e ngjarjes janë të pranishme të gjithë ekipet e emergjencës.
Ndërkohë që, deri tani vetëm 4 persona kanë arritur rë dalin të gjallë nga rrënojat. Ndërkohë që mbi 10 persona janë deklaruar të zhdukur
“Kemi frikë se numri i viktimave dhe i të plagosurve do të rritet, sepse janë ende duke u zhvilluar operacionet e shpëtimit”, tha përgjegjësi për Mbrojtjen Civile, Angelo Borrelli.
