Kalimi i Cristiano Ronaldos te Juventusi ka mbushur me optimizëm të gjithë në kampin bardhezi. Portugezi mund të fitojë Championsin dhe i këtij mendimi është dhe Cladio Gentile.
“Juventus ka patur disa dyshe sulmuesish që kanë shkruar historinë, por Ronaldo dhe Dibala mund të arrijnë majën, sepse jam i sigurtë që Juventus do të fitojë Champions Ligën, ose të paktën e uroj diçka të tillë. Ka ardhur momenti që bardhezinjtë të triumfojnë në këtë kompeticion.
“Allegri? Sa i përket Alegrit, askush nuk mund ta kritikojë atë. Ka arritur dy herë në finale dhe i ka humbur për shkak të gabimeve arbitrare. Alegri është një garanci. Ai ka një artileri në duar dhe nuk mund të tërhiqet.”
