Pavarësisht moshës së vogël, vetëm 21-vjeҫare, modelja e njohur Niki Delijorgji mban mbi krye dy kurora shumë të rëndësishme, Mis Shqipëria 2012 dhe Miss Globe. Niki Delijorgji, vajza e biznesmenit të njohur Mihal Delijorgji, prej vitesh është zhvendosur në Londër, ku edhe vazhdon karrierën si topmodele. Së fundmi, kompania e njohur britanike, “Primark” e ka zgjedhur bukuroshen shqiptare si imazh të produkteve të reja kozmetike duke i dhënë kështu Nikit një tjetër sukses në fushën e modelingut.
Në një intervistë të fundit për “Thumb”, Niki ka ndarë me publikun shqiptar eksperiencën e saj të fundit krah modeleve më në zë të botës, por edhe i ka ҫuditur të gjithë me një deklaratë që ka rrëfyer për veten, shkruan Class.al. E pyetur nëse ka “frikë” nga babai, biznesmeni Mihal Delijorgji, për fotot topless, Niki përgjigjet: “Jo, se jam e adoptuar! Por gjithsesi, ai ka bërë zgjedhjet e veta në moshën time, unë do të bëj të miat”.
Duke e vijuar, Niki thotë se i ati i ka thënë që të zgjedhë një rrugë tjetër për të mirën e saj, por “unë do bëj atë që dua vërtet dhe atë që e kam pasion.”
