Burime pranë grupit që po heton dosjen e Nezar Seitit, pranë Prokurorisë së Krimeve të Rënda shprehen se ky shtetas është në kërkim prej tyre dhe nëse autoritetet italiane vendosin ta lënë të lirë, ata e kanë dërguar tashmë një kërkesë Italisë për ta ekstraduar drejt Shqipërisë.
Reagimi i hetuesve të dosjes vjen një ditë pasi gjykata e Katanias vendosi të ndryshojë masën për Nezar Seitin, nga “arrest me burg” në “arrest shtëpie” për mungesë provash. Prokuroria e Katanias e apeloi vendimin dhe seanca e radhës për njeriun e vetëm të arrestuar në Shqipëri si pjesë e bandës së Habilajve të përgjuar nga prokuroria e Katanias, pritet të mbahet më 4 shtator.
Por edhe nëse lihet i lirë, prokurorët në Shqipëri thonë se ai është ende në kërkim nga autoritetet shqiptare, madje ka një kërkesë ekstradimi për autoritetet italiane ndaj tyre. Se çfarë do ndodhë me Seitin, na duhet të presim seancën e 4 shtatorit.
Kujtojmë që ekstradimi i Seitit u bë më 25 janar 2018 në ditën kur u vendos zgjatja me 3 muaj të tjerë i afatit të hetimit ndaj tij dhe ish-ministrit Saimir Tahiri. Nazer Seiti konsiderohet si një nga njerëzit më të besuar të Moisi Habilajt. Ai u arrestua në Babicë të Vlorës më 19 tetor 2017 gjatë një operacioni antidrogë u u sekuestruan 4 ton kanabis. Përgjatë 4 muajve të qëndrimit në paraburgim Seiti kyçi gojën. Të njejtën taktikë zgjodhi edhe në Katania./report tv
