Kanë dalë detaje të reja lidhur me vrasjen e mesditës së sotme në Shkodër. Bëhet e ditur se autorët e vrasjes kanë qenë të pamaskuar. Sipas burimeve, ata e kanë pritur viktimën dhe dy personat e tjerë që po e shoqëronin në Livadhë.
Ata e kanë qëlluar Arjan Ferracakun me breshëri automatiku, duke mos kursyer as dy personat e tjerë që po e shoqëronin, të cilët kanë mundur t’iu shpëtojnë plumbave pasi janë larguar. Sipas burimeve, dy personat që shoqëronin Ferracakun i kanë njohur autorët e vrasjes.
Nga raportimet e fundit mësohet se autori i cili besohet të jetë një person i vetëm e ka ndjekur atë për 50 metra dhe ka qëlluar 15 herë. Biznesmeni është qëlluar në trup 7 herë ndërsa dy plumba kanë prekur dhe kalin më të cilin po kalëronte i riu.
