Kreu i grupit parlamentar të PS, Taulant Balla gjatë fjalës së tij nga foltorja e Kuvendit, i është përgjigjur akuzave të kreut të PD, Lulzim Basha.
Taulant Balla ka kërkuar që kryetari i Partisë Demokratike Lulzim Basha të mos flasë më gjuhë kërcënimesh pasi ato nuk i merr parasysh.
“Dua t’i them Lulzim Bashës nga kjo foltore, mjaft fole me kërcënime idioteske që as nuk i mer njeri parasysh.”-tha Balla.
Ndërsa më tej, ai i ka kërkuar kryedemokratit të dalë të sqarojë publikun lidhur me një fakt që po qarkullon në media, ku nënvizohet se Basha merr çdo vit 2 miliard lekë.
“Shumë mirë që ke vendosur të shkosh të konsultohesh me publikun, por sikurse ti kërkon çdo ditë me sejmenët e tu përgjigje, në media sot ka dalë një fakt shumë domethënës se si ti Lulzim Basha paguhesh vit për vit me 2 miliard lekë nga oligarkë, të cilët i sulmon ditën dhe i takon natën për të paguar kompaninë e kunatit tënd. Jep përgjigje Lulzim”, deklaroi Balla.
