Pas arrestimeve të mëdha të së dielës, Jari vendosi të japë mendimin e tij kundër asaj që ka ndodhur, dhe pse qeveria po abuzonte me të drejtat e njeriut.
Në një postim të tij, Jari shkruan: “Arrestime të dielën bënte vetëm Sigurimi i Shtetit.”
Dhe më poshtë vazhdoi:
“Të dashur lexues.
Jari ju sqaron!
Ngjarja e djeshme ishte një turp për policinë dhe prokurorinë shqiptare, dhe një dëshmi që socialistët janë vazhdues të politikave të Sigurimit të Shtetit.
Ata kanë ndërmarrë një operacion të gjerë arrestimesh ditën e dielë.
Në çdo vend të botës, e diela është pushim dhe nuk mund të përdoret për arrestime.
Njerëzit janë pranë familjeve dhe policët kanë nevojë të pushojnë.
Por Sigurimi i Shtetit nuk i lë njerëzit të qetë.
Duke tentuar të ngjallë terror ndaj njerëzve dhe opozitës, rilindasit kanë realizuar opracionin të dielë, për t’i bërë njerëzit të ndjehen të pasigurtë.
Kjo taktikë është anti-perëndimore dhe duhet denoncuar urgjent, deri në anullimin e arrestimeve.
PD duhet të ngarkojë Gent Strazimirin, i shquar në denoncime të tilla, të ngrihet mbi veten e tij, duke mbrojtur dhe njerëz që e kanë rrahur.
Ne duhet të bëjmë detyrën tonë si opozitë, që këto arrestime të mos quhen të vlefshme dhe qeveria të vazhdojë të quhet qeveri e krimit.
Si ka mundësi që të arrestosh gjithë njerëzit në një ditë pushimi, ku ata as formalisht nuk bëjn dot krim, se shteti e ka pushim!
Këtë vetëm kjo qeveri mund ta shpjegojë.
Ndaj i kërkoj Lulit, Doktorit dhe gjithë opozitës, të denoncojnë këtë fushatë arrestimesh si fushatë fallco, të pavlefshme dhe që ne nuk do t’ia njohim.
Ata e bëjnë që të na trembin ne, dhe të gënjejnë të huajt, duke na thënë se tani është radha juaj, por ne nuk duhet t’ua njohim fare ato arrestime.
E diela është pushim për të gjithë, dhe për ata që akuzohen si kriminelë.
Nuk mund t’i shkelim të drejtat e njerëzve në këtë mënyrë.”
