Populli gjithnjë fjalët e urta i ka pasur të goditura dhe shumë domethënëse. Përderisa i kanë rezistuar viteve, thëniet popullore do të thotë se gjithnjë kanë qënë aktuale dhe me një forcë të brendshme përcaktuese. E tillë është dhe shprehja: “Qenit kur i vjen mortja shkon e përmjerr në derë të xhamisë (kishës në rastin e të krishterëve)”.
Për Shqipërinë e sotme kjo shprehje ka një domethënie më të fortë se kurrë. Shqipëria ka pasur kishë dhe xhami, të paktën përmbi një shekull, Amerikën.
Shtetet e Bashkuara të Amerikës kanë qënë ata që kanë mbështetur gjithnjë shqiptarët e harruar dhe të masakruar nga të gjithë në këtë anë të historisë. Që nga Presidenti Uillson që këmbënguli që Shqipëria të mos zhbëhej, e deri tek Bill Klinton që çliroi Kosovën nga pushtuesi serb e Xhorxh Bushi që njohu pavarësinë e Kosovës por dhe pranoi Shqipërinë në NATO fill pas shpërthimit të Gërdecit. Thjeshtë e vetëm se Zoti dhe SHBA ishin për herë të parë në anën e shqiptarëve.
Dhe tani që SHBA ka marrë në dorë fatet e Shqipërisë që rrezikon zhbërjen nga krimi dhe korrupsioni që ka përfshirë politikën, administratën, drejtësinë dhe segmente të caktuara të policisë, por dhe mbajnë shqiptarët me projekte e donacione që çojnë në zhvillimin e vendit, hedhim vickla.
Pavarësisht se kemi Zotin dhe SHBA në anën tonë, nuk mungojnë bashibozukët e Shqipërisë që shkojnë e “pshurrin në derën e kishës dhe xhamisë”, pra të SHBA që për shqiptarët është e tillë dhe ka për të qënë në jetë të jetëve. Sepse shqiptarët nuk janë çmendur që mbi 98 përqind besojnë vetëm tek SHBA dhe duan SHBA.
Më konkretisht, vetëm se pse SHBA dhe përfaqësuesit e saj në Shqipëri ambasadori Donald Lu dhe tashmë së fundmi organet ligjzbatuese amerikane FBI dhe DEA e antidrogës po luftojnë fort për zbatimin e reformës në drejtësi bashkë me pjesën më të përgjegjshme shqiptare, ka sulme ndaj saj. Vetëm pse kanë vendosmëri për të luftuar krimin, drogën dhe korrupsionin dhe kanë plan arrestimin e “peshqve të mëdhenj”, kanë filluar sulmet ndaj SHBA.
Më konkretisht më të ashpër janë Ilir Meta e Monika Kryemadhi, që nxjerrin ‘zarat’ e tyre dhe sulmojnë SHBA tashmë.
Pasi panë se Donald Lu nuk vepronte në kokë të vet, firmosja e moslejimit të Llallës të hyjë në SHBA nga saekretari amerikan i shtetit e vertetoi këtë, Meta e Mona sulmojnë direkt SHBA. Dhe e bëjnë për Adriatik Llallën, ish kreun e prokurorisë shqiptare.
Meta nuk mbron njeri se ka ndonjë zemër të dhembshur, atij nuk i plas fare për individin Adriatik Llalla, por e mbron se Llalla i ka mbyllur dosjet e krimit, korrupsionit dhe trafikut të drogës. Dhe duke mbrojtur Llallën tenton të mbrojë dhe veten. Këtë e zbuloi një ditë më parë nënkryetari i LSI Petrit Vasili, kur i kërkoi SHBA të jepte llogari se kush ishte zyrtari i lartë i korruptuar që ka mbrojtur Adriatik Llalla si kryeprokuror. Gati nuk e tha emrin: Ilir Metën.
Këtë e ka përforcuar një ditë më pas ish ministri i drejtësisë i LSI dhe ky, Ylli Manjani. I cili shkon më tej kur thotë se SHBA po persekuton Llallën. Ai flet në emër të Metës gjithnjë. Nëse dyshoni, lexoni deklaratën e tij një ditë para se Meta të fillonte konsultimet me ish presidentet, përfshirë Sali Berishën për marrëveshjen me Greqinë.
Tha një ditë para Manjani se Meta duhet të kryesonte negociatat dhe në fund të kishin vulën e Metës President, të njejtën gjë tha një ditë më pas Ilir Meta. Manjani padyshim përçon mendimin e Metës, pasi është katërcipërisht i vertetuar “zar” i tij. “Ironi e madhe e fatit!
Adriatik Llalla u persekutua familjarisht nga rregjimi i Enver Hoxhës. Sot persekutohet po familjarisht, madje edhe pa gjyq, nga Ambasada Amerikane dhe nga DASH! Këto janë faktet e vetme që shohim ndaj familjes Llalla. Të tjerat janë komente, dyshime e hamendësime. Me dyshime e hamendësime, pra pa prova të vërtetuara gjyqësisht, kishte dhe ka një radhë shumë të gjatë VIP-sh, përpara Adriatik Llallës, që duhen ndëshkuar… Parimet e demokracisë na mësojnë se personi dënohet gjyqësisht që të quhet fajtor! Pra mirë do ishte ta dinim se cfarë korrupsioni “të rëndë” ka bërë zoti Llalla, që tja hiqnim vizën edhe ne! Deri më sot nga perëndimi kishim mësuar se askush nuk ndëshkohet me hamendësime! Tani sjemi më të sigurtë…”, shkruan Majani në rrjetin social. Një sulm i hapur ndaj sekretarit amerikan të shtetit.
Manjani lufton për Metën, pasi FBI dhe DEA, sikurse ka shkruajtur “Pamfleti.com” ka sjellë dosjen e rëndë të Metës për drogën me Almir Rrapin e Klemend Balilin. Por dhe tërë maskarallëqet e Metës dhe burgu për të dhe Monikën është në prag. Por Manjani ka dhe hallin e vet, se ka një shtëpi të vogël dhuratë në Sarandë nga Klemend Balili. Thjeshtë e vetëm se e shpëtoi nga prangat. Tashmë burgu po sillet dhe për të. Po ashtu dhe Petrit Vasili për “byzylykët” dhe “noterët”. Por dhe Monika që hesht dhe është zhdukur nga qarkullimi ka një muaj, duke nxjerrë vetëm zarat në fushëbetejë. Ndaj dhe postulati popullor “qeni kur i vjen ngordhja shkon e përmjerr në derë të xhamisë(kishës)”, është më aktuale se kurrë te LSI./Pamfleti.com
