Presidenti i Federatës Shqiptare të Futbollit, Armand Duka ka folur për herë të parë pas vendimit për të hedhur në gjyq deputetin e Partisë Socialiste, Erjon Braçe pas akuzave dhe deklaratave të shumta në media ndaj tij.
Dy javë më parëm Duka nisi një betejë ligjore me Braçen dhe e akuzon atë për shpifje dhe dëmtim të imazhit.
I ftuar në emisionin ‘Wake up”, Duka tha se reflektoi për të marrë një vendim të tillë edhe nga thirrjet e kryeministrit Edi Rama se shpifjet do të dënohen.
“Unë në fakt jam shumë i impenjuar me punë dhe nuk kam kohë t’u përgjigjem atyre që merren me fjalë.
Kështu që, angazhova personat juridikë të merren me këtë punë dhe nuk e di sa është vlera që përfitoj nëse fitoj gjyqin” u shpreh Duka, kur u pyet se sa është shuma që përfiton nga ky gjyq dhe se si do t’i përdorë ato para, nese fiton.
Duka theksoi më tej se ky vendim erdhi pasi dëgjoi edhe thirrjet e kryeministrit se shpifjet do të dënohen me ligj.
“Duke dëgjuar Ramën që thoshte shpifjet dënohen, thashë pse mos ta zbatoj edhe unë.
Ai thotë qentë le të lehin, unë them ‘konet le të lehin, karvani të ecë përpara”.
Pra, nga e gjitha kjo duhet të mësojmë të respektojmë tjetrin, të respektohet etika”, u shpreh Duka.
