Këngëtarja Eli Fara ka folur për vështirësitë që ka kaluar në jetë.
E pyetur nga fatma dhe Aulona në “ Thumb“ se cila ka qenë periudha më e vështirë e jetës së saj, këngëtarja u përgjigj:
“Vitet 90`, periudhë kur ashtu si mjaft shqiptarë të tjerë, edhe familja ime u gjend përpara situatës kur duhet ta fillonte cdo gjë nga e para.
Ne jemi brezi që e kemi nisur gjithçka nga zero.
Unë mund të mos kisha edhe bukë të haja dhe nuk e merrte vesh askush.
Mbaj mend që edhe kur shkoja te babi, ai më pyeste ‘ke nevojë për gjë, të duhet gjë, të duhen lekë?’
Unë mund të isha pa asnjë kokërr leku në xhep, por i thosha ‘jo, kam’.
Po, kur e kujtoj sot, ndihem shumë krenare, sepse njeriu duhet të ketë karakter”, ka thënë këngëtarja.
