Dy deklarata diametralisht të kundërta për Check Up-in. Në 2015-ën Vasili krah ish-ministrit të Shëndetësisë së asaj kohe, Ilir Beqja flet me superlativa. Në 2018-ën është kritiku më i madh. Ka ndryshuar mendim zoti Vasili? Apo ia kërkon opozita të jetë kundër? E mira është që të paktën kur vjen puna për shëndetin e qytetarëve të bëjmë sa më pak politikë.
Lexoni më poshtë dy deklaratat.
Në 15 Maj 2015 Vasili tha këtë:
Unë ndaj kënaqësinë reciproke me ministrin që jo thjesht dhe vetëm të promovojmë Check-up apo kontrollin parandalues, por kthejmë përfundimisht vëmendjen dhe fokusin e shëndetësisë shqiptare drejt Kujdesit Parësor, i cili është thelbi i sistemit, filtri themelor i shumicës së popullatës dhe në këtë mënyrë mjekësia është më e fortë, më e shëndetshme dhe ka mundësi konkrete që të gjithë qytetarëve t’u ofrojë jo vetëm akses por edhe shërbim dhe sigurisht sëmundshmëria të kontrollohet mirë dhe në kohë.
Edhe interesimi edhe infrastruktura edhe profesionalizmi i mjekëve e bënë tërësisht të mundur dhe e bën një sfidë të fituar këtë sfidë të madhe dhe zhvillimi i saj në të gjithë territorin do të thotë që çdo shqiptar ka të drejtë të kontrollohet dhe të dijë se ç’ndodh me shëndetin e tij, pavarësisht se ku ndodhet ai, në Tiranë apo në pjesët më ekstreme të Shqipërisë.
Sot, më 27 Shkurt 2018 Vasili shkruan në Facebook këtë:
Vdekjet nga zemra dhe kanceri jane shtuar dukshem,po check up perse sherbeu ??
Instat konfirmon edhe per 2017 nje rritje te vazhdueshme e te theksuar te vdekjeve nga semundjet kardiake ne grup moshat 45-60 vjec por edhe me te reja.Po e njejta rritje e theksuar eshte edhe te semundjet tumorale me shtrirje nga 40- 60 vjec.
Te gjitha keto grup mosha jane te mbuluara nga check up.
Kam kerkuar ne sallen e parlamentit se cilet jane treguesit, qe provojne permirsime pas fillimit disa vjecar te chek up dhe kerkova sa eshte ulur vdekshmeria nga kanceri dhe semundjet kardiake qe jane edhe shkaktaret kryesore te vdekjeve.
Pervec entuziazmit oligarkik dhe injorant te xhepave te mbushur te kryeministrit dhe te ministres se tij, nuk kishte asnje pergjigje profesionale.
Keto shifra flasin vete dhe check up ishte nje shperdorim kriminal i parave te nje mjekesie qe vuan nga nje nivel shume i ulet financimi.
Kur shkollepakesia behet bashke me grykësine ndodhin vetem tragjedi./ Copyright Tiranapost.al
