Iva Aliko është modelja me format seksi, e cila për çdo lëvizje që bën, përbën lajm për mediat sociale. Pak ditë më parë ajo postoi një foto ku la të nënkuptohej se ishte në pritje të një fëmije.
Për të vërtetën rreth shtatzënisë, shumat e parave që i ofrojnë pasanikët në këmbim të seksit dhe lidhjeve, si dhe pasionin për armët i rrëfen në këtë intervistë për “Panorama Plus”.
Edhe pse është dimër, ti duket se nuk pyet për të ftohtin. Ç’është ky hob për t’u zhveshur edhe në këtë stinë?
Zhveshjet e mia në këtë stinë janë vetëm televizive, ose për ndonjë event të caktuar, pasi në jetën e përditshme vishem thjesht dhe ngrohtë,
Pak ditë më parë, mediat shkruan për një shtatzëni të mundshme, nisur nga një foto që kishe postuar në rrjetet sociale, ku nënkuptohej diçka. Si qëndron e vërteta?
Lajmi i shtatzënisë sime nuk është i vërtetë. Unë nuk jam shtatzënë dhe ajo foto që postova, në fakt, ishte për një person të afërm të familjes sime.
Po ty të ka shkuar në mendje të sjellësh në jetë një fëmijë jashtë martese, (pra, me të dashurin) apo je tradicionale në këtë pikë?
Normalisht që në një të ardhme jo të largët më ka shkuar në mendje për të sjellë në jetë një fëmijë dhe mendoj se e rëndësishme është ta bësh me njeriun që dashuron dhe që mban përgjegjësitë e tij për gjatë gjithë jetës.
Me forma të rrumbullakosura dhe shumë në formë. Si arrin të jesh gjithmonë njësoj?
Mendoj se format janë gjenetike, por dhe kujdesi me ushqimin dhe ushtrimet fizike luajnë rol.
Para pak kohësh postove foto me plumba dhe armë në duar. Kujt po i jepje mesazh?
Fotoja ime me armë para disa kohësh nuk ishte me sazh për askënd, por gjuajtja me armë është një ndër pasionet e mia që e ushtroj vazhdimisht.
Shumë vajza të bukura kanë filluar t’i rekrutojnë për filmat për të rritur, apo siç quhen me pullë të kuqe. Ti ke marrë një ofertë të tillë?
Po, kam marrë dhe unë një ftesë të tillë, por që nuk e kam menduar seriozisht, nuk mendoj se bëjnë për mua të tillë filma.
Po pasanikë që kërkojnë të lidhen me ty a ka dhe deri ku ka arritur shifra e propozimit në këmbim të seksit apo martesës?
Po, ka edhe pasanikë, apo njerëz më të thjeshtë që më bëjnë oferta të ndryshme si në këmbim të seksit apo dhe lidhjeve serioze (dhe besoj se kjo gjë nuk ndodh vetëm tek unë). Si në fushën e biznesit apo edhe politikës, ofertat, shifrat janë nga më të ndryshmet, por, momentalisht, nuk po më vjen në mendje ndonjë shifër e caktuar, pasi nuk i kushtoj shumë rëndësi.
Ke arritur të kuptosh, se cilët meshkuj janë të duhurit pra ty, pra, nëse do të zgjidhje mes politikanëve apo biznesmenëve?
Nuk mund të them në qoftë se do të zgjidhja vetëm mes politikanëve apo biznesmenëve, pasi meshkujt që mund të hyjnë në jetën time nuk i kategorizoj si politikanë apo biznesmenë. E rëndësishme është të jetë dikush, që më respekton dhe vlerëson për atë që unë jam.
Po djemtë e bukur e me muskuj, a janë ata që u hedh sytë ti, apo s’janë të preferuarit e tu?
Normalisht që e bukura tërheq syrin dhe pëlqehet, kjo ndodh për të gjithë njerëzit, po ashtu dhe tek unë. Por zakonisht nuk vë muskujt dhe bukurinë në plan të parë te një mashkull.
Nëse do të bëje një listë të vajzave të njohura shqiptare, me cilën mendon se je në konkurrencë?
Ka shumë femra të bukura e seksi shqiptare, por unë nuk i shikoj me syrin e konkurrencës.
Çfarë e sjell në qejf Iva Alikon?
Ka shumë gjëra nga të cilat vjen në qejf Iva Aliko, me njeriun që ndjen.
