Sot, të flasim sinqerisht megjithëse kemi patur dyshime për sjelljet e Ramës ndaj politikave me median, jemi bindur se ai po ecën në drejtimin e duhur si dhe me politika reale për diskretitimin e kazanit dhe lehsave mediatik, që u mungon morali për të folur, kritikuar apo analizuar veprimet e tij, në drejtimin e shtetit. Sofra e tij nuk ka vend për të ushqyer me kocka të tillë të paftyrë të cilët na detyruan edhe njëherë t’i themi Bravo Edi Ramës!
“Ne vetë shqiptaret duhet ti kthehim krahet politikaneve qe nuk jane ngopur duke vjedhur, duke tradhetuar, duke shkaterruar edhe dinjitetin e popullit por edhe token shqiptare. Ne shqiptaret vet duhet t’iu japim mesazhin politikaneve kriminele qe duam nje shoqeri te pa korruptuar, ku do mbizoteroj meritokracia, drejtesia, solidariteti ndaj njeri tjetrit! Politikanet e ketyre dy partive qe duan te rrezojne qeverine duhet te kuptojne se nuk munden ta perdorin popullin sipas deshires”, na sugjeronte një mik dhe kur shikojmë këto gazetarë që jo që nuk i kthejnë poltikës shpinë, por janë shpinë më shpinë me të, për të forcuar radhët, bindemi se vërtet media në këtë vend vuan nga paturpsia, paftësia dhe zhuli moral.
Kur dëgjon Bushatin një klysh i bllokut, i rritur në prehrin e kryekommunistit Berisha,i bërë milioner nga shpifja intriga dhe poshtërsit e mediave shqiptare, që u kërkon qytetarëve që të pushtojnë kryeministrin, ndjehesh keq sepse si është e mundur që guxon! Por kur deklaron Ylli Rakipi mësuesi i fshatit i zbritur me valixhe kashten në Elbasan në vitet e demokracisë sot pronar i 11 apartamenteve në Tirane në toka të grabitura pa qenë kurrë pronar se do protestoj për familjen time është vërtet për të ulëritur.
Kur kësaj bande lehsish i bashkohet edhe Babaramo, një ish ushtarak i rëndomtë, i kthyer në gazetar dhe pasunar me parat e emisioneve qesharak që drejton si ai i fundit “pesë pyetje pa kuptim” dhe i rrëshkituri me pasoja, ish biri i Bllokut Fatos Lubonja dhe lehsi pa dhëmb Zhej bindesh plotësisht se kundërshtarët e Edi Ramës janë pjesa më e keqe dhe më e diskretituar e këtij vendi.
Ja si i’u përgjigjën të maskuarit e PD si gazetar pyetjes së “rakitarit” Dash Shehi!
Dashamir Shehi: Ju çfarë do të bëni në 16 shkurt?
Ylli Rakipi: Së pari do të jem në protestë si gazetar, për të bërë punën time. Së dyti do të jem në protestë, jo për ju dhe për opozitën por për vete dhe për familjen time.
Fatos Lubonja: Nuk mund të dalë si militant i Partisë Demokratike, por si gazetar, patjetër do të jem aty.
Ilir Babaramo: Do jem aty si gazetar, për ne e shtuna është ditë pune./ Ekskluzive.al
