Paratë e krimit politik po investohen në media në Kosovë, duke u pastruar në pjesën tjetër të kombit.
Përmes “zarit” të tij mediatik, i cili sa herë Meta gjendet në vështirësi godet me lajme të rreme dhe sulme ndaj kundërshtarëve, Presidenti ngre një qendër mediatike dhe në Kosovë.
Kështu, Berat Buzhala hapi mbremë televizionin e tij “T7” në mungesë të çdo ambasadori të akredituar në Kosovë.
Burimet bëjnë me dije që burimi i financimit janë paratë e drogës dhe të krimit të Ilir Metës. Madje Monika Kryemadhi ishte e vetmja politikane nga Shqipëria prezente në këtë event, ku janë investuar paratë e saj. Para të nxjerra me “mund dhe djersë” duke vjedhur shqiptarët, paratë e tafikut të drogës dhe të parajsave fiskale anekënd botës, të hetuara tashmë.
Ilir Meta, financuesi i vërtetë, nuk ka qënë prezent në përurimin e këtij Televizioni të ri në Kosovë. Ka qënë në një takim në Azerbajxhan, ku ka pasur pas vetes dhe tre ish presidentët shqiptarë Sali Berisha, Rexhep Meidani dhe Bujar Nishani.
Në përurimin e televizionit të dyshimtë s’kanë marrë pjesë as krerët më të lartë të shtetit në Kosovë.
Kështu, përpos të gjithë ambasadorëve të akredituar në Kosovë, përveç politikanëve nga Shqipëria dhe Presidenti i Kosovës Hashim Thaçi dhe kryeministri Ramush Haradinaj kanë bojkotuar hapjen e Televizionit të Metës në Kosovë, nën emrin e Beratit.
Këtë fakt e pranon dhe vetë Berat Buzhala teksa e përshëndet mungesën e tyre (në Shqipëri shpesh e thërrasin dhe Berat Meta për shkak afinitetit të jashtëzakonshëm me Presidentin aktual shqiptar).
“Deshta edhe një falenderim me e ba për organizimin e mbramshëm. E falenderoj Presidentin Thaçi dhe Kryeministrin Haradinaj që nuk morën pjesë”, shkruan Buzhala, “zari” i Metës në Kosovë dhe në Shqipëri.
Duket se gjendja është tepër e rëndë, përderisa nuk merr pjesë as Hashim Thaçi që nuk e ka për gjë të marrë pjesë në çdo event në Kosovë, pasi është bërë imun ndaj akuzave që bëhen ndaj tij.
Por akoma më e habitshme është mospjesmarrja e Ramush Haradinajt, mikut të Ilir Metës, cili ka vendosur me sa duket të mos digjet sërish në marrëdhëniet me SHBA, pas “Demarkacionit” kur i refuzuan vizën.
Ndërkohë që vetë Buzhala përpiqet t’i dalë para se keqes për të lajmëruar se nuk është shumë problem mospjesëmarrja e shumë të ftuarve. Ku një pjesë thotë se nuk i ka ftuar, një pjesë nuk kanë ardhur, në përpjekje për të ndarë të keqen e bojkotit përgjysmë.
“Asht fantastike puna e festave. Ti mendon që do të jetë moment i mirë për me u kënaqë, ama tek ma vonë e kupton që në fakt gjysa tu kanë prekë që ki harru me i përshëndetë, e gjysa që ki harru mi thirrë. Të duhen edhe tri katër ditë mas festës me i skanu damet që i ki shkaktu. Në anën tjetër qëllimi ishte krejt tjeter. Nejse. Faleminderit të gjithëve për urimet e panumërta, për përkrahjen e madhe, për motivimin që po na e bëni. Faleminderit ju që ishit në festën tonë. Na falni ju që harrumë me ju thirrë. Na falni edhe ju që harrumë me ju përshendetë.
Në anën tjetër, stafin tonë e pret një pune e jashtëzakonshme për mi realizu pritjet e juaja”, shkruan më pas sot Berat Buzhala në rrjetin social. Përmes të cilit, politika shqiptare po ‘eksporton’ në Kosovë paratë e krimit dhe të keqen e instaluar dhe në Shqipëri.
Tashmë në Kosovë me paratë e drogës dhe krimit të Ilir Metës është ngritur një media. Të shohim sa do ta përtypin qytetarët shqiptarë të Kosovës këtë mundësi mediatike me shije droge. E cila vërtetë është e bardhë, por punën e bën të zezë./Pamfleti.com
