Pas akuzave të deputetit të Partisë Demokratike për qarkun Gjirokastër, Tritan Shehu ndaj ministrisë së Shëndetësisë ka reaguar edhe deputeti Flamur Golemi, i cili ka postuar një status në “Facebook” ku tregon të vërtetën me fakte. Ndërsa shtron pyetjen se si ka mundësi që qeveria ku ai bënte pjesë, siguronte vetëm 800 flakone në vit, nga medikamenti që u nevojitej grave të sëmura me kancer të gjirit, Golemi jep faktet se si ka ndryshuar realiteti. Bashkë me reagimin deputeti i PS tregon edhe me foto se pajisjet shëndetësore janë funksionale dhe në shërbim për pacientët në Gjirokastër dhe jo ashtu si deklaron deputeti i PD, i cili kur ishte minister Shendetesie gjendja ishte mizerrabel.
Reagimi i plotë i Golemit:
Sa herë që duhet të flitet për shëndetësinë, nga Partia Demokratike del prej shekullit të kaluar një figurë: ajo e Tritan Shehut. Edhe sot, Shehu ka nxituar të reagojë pas deklaratave të bëra nga Ministrja e Shëndetësisë dhe Mbrojtjes Sociale, në lidhje me mbulimin me medikamentin e nevojshëm, të grave që vuajnë nga kanceri i gjirit. Përfaqësuesi i PD kërkon llogari se çfarë bëhet në lidhje me kemiopreparatet dhe medikamentet e tjera, sepse nevojat janë shumë më të larta. Që nevojat janë më të mëdha se sa mundësitë, kjo s’do shumë mend. Por një gjë që nuk thotë deputeti demokrat, është se, si ka mundësi që qeveria ku ai bënte pjesë, siguronte vetëm 800 flakone në vit, nga medikamenti që u nevojitej grave të sëmura me kancer të gjirit?
Tritani ka reaguar gjithashtu ndaj deklaratave të bëra nga Manastirliu për trajtimin me Akseleratorëve linearë të pacientëve, që sipas tij, edhe nëse do të funksionojnë me kapacitet të plotë, nuk do të mund të përballojnë dot nevojat.
Tritani, që kur qeveria e tij kishte pushtetin i trajtonte qytetarët e sëmurë me tumore me një pajisje kobalti, në kushte të denja për vende të botës së tretë apo situatë lufte, sot shpreh habinë e njeriut të ardhur nga shekulli i kaluar, se si ka mundësi që qeveria nuk ka 12 Akseleratorë Linearë! Pse janë vetëm tre, pyet deputeti demokrat, dhe nuk ndalet për asnjë moment të pyesë, se si ka mundësi që, ilaçe për kancerin e gjirit, pesë vite më parë kishte pesë herë më pak, ndërsa për Akselerator … as bëhej fjalë.
Qytetarët nuk janë budallenj, kanë sy të shikojnë dhe veshë të dëgjojnë. Por edhe mend, që të kujtojnë. Dhe kur flet Tritani, kujtesa bëhet vërtetë shumë e rëndësishme.
…..
Statusi i Tritan Shehut:
Ministria Manasterliu spekullon per trajtimin e Kancerit!
Sot Ministria e Shendetesise deklaron se do mbulojne mbas nje viti trajtimin e 100% te rasteve me kancer te gjirit me nje prej kemiopreparateve?!
Dhe kete se po ja japin me cmime te ulta!!! Kush dhe si, per sa kohe, importe paralele?
Deklarate spekullative; Ministri ka vite qe deklaron se mbulon totalisht nevojat me kemiopreparate.
Tashti na del se kjo do te realizohet ne te ardhmen, dhe kjo vetem per kancerin e gjirit e per nje nga preparatet e nevojshem per trajtimin e tij.
Po per te gjithe gamen e semundjeve tumorale qe ekziston cfare behet?
Po per te siguruar te gjithe arsenalin e kemiopreparateve e te medikamenteve te tjere, qe perdoren per trajtimin e kesaj patologjie te shumellojeshme, cfare behet?
E kam thene qartesisht se fondet e parashikuara per kemiopreparate nga buxheti nuk mbulojne as 50% te nevojave tona bazale.
Zj.Ministre thote se ne vend(Onkologji), kryhen 50 trajtime ne dite me akselerator linear, i domosdoshem ky per trajtimin e tumoreve ne pergjithesi, gje qe perben reth 600 paciente ne vit. Po t’i shtojme kesaj edhe 240 raste, qe trajtohen te Neurokirurgjia me kete metode, behen gjithsej 840 paciente.
Le t’i besojme Ministres se ne nje te ardhme do te vihet ne pune edhe akseleratori i dyte te Onkologjia, pra do te trajtohen 1440 te semure ne vit.
Nje pyetje: A e dini se ne vendin tone hasen reth 7000 raste te reja me tumore ne vit, nga te cilet 3500 kane nevoje per ate trajtim radioterapeutik.
A e dini se sipas Agjensise Berthamore per cdo 250000 banore duhet nje qender akseleratore? Pra per ne 12 te tilla.
A e shikoni Zj.Ministre se sa larg jemi permbushjes se nevojave te popullesise per te perballuar kete semundje, qe ne vendin tone ka nje rritje me 60% te rasteve te reja ne 5 vite, ndersa ju deklaroni « fitore » duke qene shume larg saj.
Edhe kjo nqs do t’i marrim te mireqena premtimet tuaja, qe fatkeqesisht kane rezultuar spekullime deri me sot, perfshi edhe ate te « shendetesise falas ».
Dicka ne fund, jemi i vetmi vend ne Europe, qe nuk kemi akoma Regjistrin Kombetar te Tumoreve, baze per cdo konkluzion real ky.
