Ka dy vite që po merret me këtë projekt dhe vetëm tani ka lajmëruar fansat se do të dalë shumë shpejt filmi i ri që do i jetë i zhanrit komedi. Besi, ka vendosur që personazhin e tij të cilin publiku e do më shumë “Skifterin”, ta kthejë në karakterin kryesor të këtij filmi.
Në një intervistë për “Mirage”, aktori i njohur i humorit tha se ka 2 vite e gjysmë që merret me skenarin e filmit komik, të cilin e ka shkruar vetë dhe ka punuar personalisht me të gjithë projektin.
“Është jashtëzakonisht shumë serioz. Histori aktuale sa i përket Shqipërisë dhe Kosovës. Nuk zbuloj më shumë por i premtoj publikut që do të jetë një nga komeditë më të bukura dhe më aktuale”.
Megjithëse Besi nuk ka zbuluar shumë nga projekti, siç duket nga posteri, Skifteri do të kandidoi për deputet dhe kjo është lidhja që ai bën me situatën aktuale politike të Shqipërisë dhe Kosovës, ku njerëz të lidhur me vjedhjen dhe krimin mundet të kandidojnë edhe për deputet.
