Komisioni i Pavarur i Kualifikimit ka vendosur të shkarkojë nga detyra gjyqtarin e Gjykatës Kushtetuese Fatos Lulo. Vendimi është marrë pasi ai nuk ka justifikuar pasurinë. Gjyqtari i Gjykatës Kushtetuese posedonte një llogari bankare prej 480 mijë dollarësh dhe një banesë në Kanada.
Sipas Komisioni të Pavarur të Kualifikimit kjo pasuri nuk justifikohej me burime të ligjshme nga ana e gjyqtarit.
Në këto kushte, KPK vendosi shkarkimin e tij nga detyra e gjyqtarit. Vetë Lulo nuk ishte i pranishëm në seancën e sotme. Pas vendimit ka reaguar avokati i tij Ardian Visha.
“Patjetër që vendimi do apelohet. është një vendim që për mua është tërësisht i padrejtë. Për standaritn që vendos për mua për aq sa mund të them është stekë shumë e ulët poshtë së cilës zor se duhet të kalojë njeri. është përdorur nga juve në media për ata që do ikin, problemi ëhstë se kush do rrijë”, tha avokati i Lulos, Ardian Visha.
Pas këtij vendimi, tashmë gjyqtari mund të apelojë vendimin në Komisionin e Posaçëm të Apelimit.
