Pak ditë më parë historia e një babai të divorcuar nga Durrësi bëri xhiron mediatike pasi ai vendosi ta rrëfente në ekran. Çifti ishte martuar me dashuri në vitin 1995 dhe nga kjo marrëdhënie kishin ardhur në jetë 2 fëmijë. Marrëdhënia mes ishte krisur kur ai kishte kuptuar se e shoqja kishte dikë tjetër, rrëfen burri. Ai shton se e fali atë dhe emigruan familjarisht në Itali në vitin 2013.
Gjatë kësaj kohë ai kishte kuptuar se ajo nuk e donte më dhe kishte kontakte telefonike me dikë tjetër, e për këtë tha se kishte dëshmitarë edhe fëmijët.
Në kushte të vështira psikologjike burri pranon që kishte vënë dorë mbi gruan. Ai u dënua në Itali, bëri 2 vite brenda dhe prej 5 vitesh jeton në Shqipëri. Babi i dy fëmijëve kërkoi përballje me ish-bashkëshorten, pasi kjo e fundit gjatë kohës që ai qëndronte prapa hekurave, bëri divorcin në Shqipëri.
Sot dëshmoi në studion e emisionit ‘Me Zemër të Hapur’ në News 24 gruaja e cila ndodhet jashtë Shqipërisë. Ndërsa pritej një përballje mes dy ish-bashkëshortëve Ardiani nuk pranoi, kurse Marjeta rrëfeu të vërtetat e saj.
Marjeta hodhi poshtë akuzat për tradhti të ish-bashkëshortit dhe e akuzoi jo vetëm për episodet e shëmtuara gjatë viteve, si në Shqipëri ashtu edhe në Itali por edhe për gjëra më të rënda. Gruaja pohoi se në një episod 4 shokë të tij kanë dashur ta çojnë jashtë si punonjëse me pagesë, ndërsa në një tjetër rast ai i ka çuar shokun në shtëpi dhe i kërkonte të shkonte me lekë me të.
Ajo tha:
U dënua 1 vit me burg në ’96, isha 5 muaj shtatzënë, aty nisa ta njoh kush ishte njeriu që kisha në krah. Në rrëmujat e ‘97 u hapën qelitë dhe ky doli. Ma ka nxirë jetën që ditën kur kam lindur djalin e deri kur kam ardhur këtu në Itali. Ai pinte, lunate bixhoz dhe vinte dorë. Në një rast më solli 4 djem në shtëpi, këta desh më morën me forcë të më çonin si punonjëse me pagesë në Itali. Më vjen akoma për të qarë kur e kujtoj, i kam thënë jam familjare, kam një fëmijë dhe nuk më bënë asgjë të keqe më pas. Kur u përmend ai më qëlloi për atë që ka ndodhur… Kur e mori vesh vjehrra më mori në shtëpi të saj, por ky e vazhdoi avazin e tij, pinte, bërtiste, mua më vinte dorë. Vjehrra u detyrua të merrte ilaçe në farmaci që ky të linte rakinë dhe këtij iu shpif në fakt. Edhe babai i tij ka dashur ta largojë nga kjo jetë, unë i dola para, ai më tha do ta fundos qenin po largohu ti.”
Rrëfimet nuk u ndalën këtu, teksa ajo tregoi edhe një tjetër episod të neveritshëm kur u bë me dy fëmijë.
Më tej ajo rrëfeu:
Po situata nuk mbaroi me kaq, pasi donte që të shkoja me shokun e tij me para. Aty i thashë stop, i kërkova babës tim të më ndante. Nuk munda të vazhdoj më me të.”
