Një ngjarje e pazakontë ka ndodhur në një ndeshje futbolli në Itali.
Në ndeshjen e Serisë D italiane mes Igeas dhe Mesinës portieri i ri i skuadrës mike, Armando Prisko, u ndëshkua me karton të kuq pasi urinoi pranë një tabele pas porte. Ky moment u vu re nga asistenti, i cili e raportoi ketë gjest te gjyqtari kryesor, i cili nuk u mendua dy here, por e pezulloi portierin e Mesinës me karton të kuq, shkruan “Gazzetta del Sud”.
Prisko u fut në lojë si zëvendësues duke zënë vendin e portierit Meo, i cili u largua nga fusha i dëmtuar. Pas largimit të dy portierëve, portën në minuat e mbetura e mbrojti, Bruno. Mbrojtësi tregoi vlerat duke e mbajtur të paprekur portën në minutat e mbetura. Takimi përfundoi me rezultatin e bardhë 0-0.
