Sot në zgrip e në ditët e saj më të këqija, udhëheqja socialiste vazhdon përbuzjen dhe trajtimin e shqiptarëve si injorantë me anë të sejmenëve të partisë, të cilët ofendojnë inteligjencën e atyre që i kanë zgjedhur sa herë u bie për mbarë.
Kjo dhunë ndaj shqiptarëve, vjen si pasojë e dhunimit sistematik të anëtarëve të qeverisë nga ana e kryeministrit, i cili sipas burimeve të gazetës i shan e shpërlan ministrat në çdo takim, sipas oreksit dhe ato e durojnë për sa kohë është kumbari i hajnisë, që i ktheu brenda natës nga brekëgrisur në milioner.
Sot në Kuvend, përkthyesi i anglishtes, Arbeni i inceneratorëve, u tha shqiptarëve se nuk kishin bërë mirë që kishin sulmuar batutën e ministres Belinda Balluku, e cila u tha qytetarëve se: Mos dilni me makinë për të blerë cigare tek cepi i pallatit, por ecni në këmbë!
Sipas analizës së përkthyesit të anglishtes, sot shqiptarët kanë përgjysmuar lëvizjet me makinë që e reflekton përgjysmimi i konsumit të karburanteve, sepse kanë reduktuar lëvizjet e panevojshme me mjet, pra cigaret i kanë blerë duke hecur.
Tu thuash popullit më të varfër në Europë, se kanë përgjysmuar konsumimin e asaj që xhepat e tyre nuk e përballojnë dot dhe këtë ta shesësh si mësim, se shqiptarët kanë zënë mend dhe po i blejnë cigaret në këmbë duke i dhënë të drejtë fyerjes së ministres, kjo është një lajthitje e turpshme.
Kemi parë e çfarë s’kemi parë, por një frymor si ky, që niveli i inteligjencës nuk e kalon atë të një shimpazeje, është vështirë të gjesh në sallën stallë të parlamentit.
Ajo që ky analfabet funksional nuk di, është se kryeministri Edi Rama e qortoi ministren për sa i përket përbuzjes që u bëri shqiptarëve gjatë konferencës për shtyp, sjellje e së cilës reflektoi në deklaratat në vazhdim.
Por kjo tregon që vulosësi dhe firmëtari i afera korruptive të kryeministrit, i paska humbur lidhjet me Ramën, për sa kohë nuk e di se ky i fundit nuk ishte aspak i lumtur nga batuta e ministres Balluku.
Sipas burimeve të gazetës, midis Ramës dhe Ahmetaj janë ftohur raportet pas publikimit të skandalit të inceneratorëve, ku Ministri i Rindertimit është i përfshirë direkt me mafien e plehrave. Madje pritet që me vazhdimin e hetimeve nga SPAK, pas Lefter Kokës dhe Alqi Bllakos, Ahmetaj do jetë ministri i radhës i arrestuar për keqpërdorimin e miliona eurove të shqiptarëve në një skemë të pastër korrupsioni e mashtrimi.
Arrestimi i Ahmetaj, do t’i hapte rrugë hetimit të pasurive të Tigrit të Financave, nga Vila 73 që kushton qindra mijë euro në resortin “Green Coast” në Palasë, në kompleksion luksoz “Vala Mar” në Hamallaj dhe paratë e investuara në Hotelin luksoz në bashkëpunim me oligarkun e hidrokarbureve i lidhur ngushtë me mafian dhe krimin e organizuar./Ekskluzive.al
