Komediani skocez Daniel Sloss ka rrëfyer se një shaka 20 minutëshe në një nga shfaqjet e tij është bërë përgjegjëse për ndarjen e më shumë se 4000 çifteve. Në shfaqjen e titulluar Jigsaw, aktori tall konceptin që kanë të gjithë për shpirtin binjak. Mesazhi që jep shoqëria është: “Nëse nuk je me dikë, je i dëmtuar. Nëse nuk je me dikë, je i paplotë. Nëse nuk je me dikë, nuk je i mbushur.” Nisur nga kjo Sloss thotë:
Kjo këshillë mesa duket ka ndikuar në mendjen e njerëzve dhe i ka shtyrë ata të marrin një vendim për jetën e tyre. Shum e kanë falenderuar aktorin pasi falë tij ata kanë arritur të bëjnë ndryshime në jetën e tyre.Sipas komedianit, më shumë se 4000 çifte janë ndarë dhe 17 të tjerë kanë kërkuar divorcin pasi kanë parë shfaqjen. Këta janë të gjithë njerëz të konfirmuar të cilët i kanë shkruar aktorit për ta falenderuar.
Javës që shkoi Daniel foli për mediat duke thënë se “shakaja nuk kishte si qëllim të ndante çifte”. Ai shton se ky ishte një mesazh për njerëzit single që të mos ndihen keq për faktin që janë vetëm. Aktori herë pas here ndan në Instagramin e tij mesazhet që merr nga ndjekësit që kanë përfunduar lidhjet se bashku me numrin e tyre në rritje.
