Ambasadorja Yuri Kim ka shkuar sot në Vlorë, ku po zhvillon një takim me kryebashkiakun e këtij qyteti, Dritan Lelin.
Gjatë bashkëbisedimit me kryebashkiakun Leli, diplomatja amerikane e vuri theksin tek reforma në drejtësi, që sipas saj duhet të sundojë ligji në mënyrë që amerikanët të kenë besim të investojnë në Shqipëri. Kim tha se nëse zbatohen ligjet, atëherë e gjithë Shqipëria do të ecë përpara.
“Kisha dëgjuar gjëra të bukura për Vlorën por duke ecur në rrugët e qytetit pashë që qyteti juaj ofron shumë. Teksa është kënaqësi për mua të shoh ndryshimet e Vlorës ndër vite. Nëse në Shqipëri zbatojmë gjërat që na rekomandohen, ligjet atëherë e gjithë Shqipëria do të eci përpara. Është tepër me rëndësi zbatimi i reformës në drejtësi në mënyrë që të sundojë ligji dhe amerikanët të kenë besim të investojnë në Shqipëri”, ka deklaruar Kim.
