Anglia me siguri do të ketë pesë skuadra në sezonin e ardhshëm të Champions League, por mund të jenë gjashtë ose edhe shtatë ekipe nga ishulli. Dominimi i tyre në këtë garë vërtetohet nga renditja e tyre sezonale, e cila kualifikon një skuadër shtesë.
Anglia është e pakapshme dhe për këtë arsye e sigurt është që do të ketë pesë klube në fazën e parë të sezonit 2026-27. Bazuar në renditjen e Premier Leagues, këto ekipe aktualisht do të ishin Arsenali, Manchester City, Manchester United, Aston Villa dhe Liverpool. Megjithatë, nëse Liverpooli (ende në garë) do të fitonin trofeun këtë sezon dhe një nga Aston Villa ose Nottingham Forest triumfon në Europa League, do të ishin gjithsej shtatë, me kusht që fituesit e trofeut të mos përfundojnë në katër vendet e para të Premier Leagues.
Italia është e pesta në renditjen e sezonit, shumë prapa Anglisë, Spanja ka një avantazh të lehtë ndaj Gjermanisë, ndërsa Portugalia është e katërta. Pas Italisë është Franca, e cila si të kaltrit e filloi garën me shtatë përfaqësuese dhe ka dy të mbetura ende; PSG, e cila është me një këmbë në gjysmëfinalet e Champions dhe Strasburgu, fushata e të cilëve në Conference League u kompromentua nga një humbje 2-0 në ndeshjen e parë kundër Mainz.
