Armando Broja ka firmosur kontratën e re me Chelsea deri në 2028. Kanë qenë Blutë e Londrës që kanë zyrtarizuar gjithçka në kanalet e komunikimit, me sulmuesin e Kombëtares që shton edhe dy vite qëndrimi në Londër.
Kontrata e parë e Brojës me Chelsea ka qenë deri në verën e 2026. Tanimë drejtuesit e rinj kanë mbajtur fjalën, duke blinduar talentete e akademisë.
“Chelsea është klubi që kam ëndërruar të luaj gjatë gjithë jetës sime, klubi që unë mbështes dhe klubi që dua. Unë kam qenë këtu që kur isha fëmijë, kështu që është një ndjenjë surreale për mua dhe familjen time.
Më mungojnë fjalët. Unë kam qenë këtu qëkur kam qenë fëmijë. Të mund të vesh fanellën blu me ekipin e parë është një ëndërr e bërë realitet. Është e mahnitshme çdo minutë që luaj në fushë, sepse ky është një nga klubet më të mëdha në botë.
Gjithmonë ka konkurrencë dhe të gjithë duan të luajnë, kështu që unë jam i lumtur që kam mundësinë të jem pjesë e tij. Shpresoj që të luaj shumë ndeshje dhe të jem pjesë e suksesit të ekipit”, tha Broja pas kontratës së re në prani të presidentit Todd Boehly.
